Hvað er Copernicusaráætlunin
Copernicusaráætlun Evrópusambandsins veitir nákvæm og uppfærð gögn sem nýtast til vöktunar á yfirborði og umhverfi jarðar. Áætlunin nýtir net gervitungla og ýmissa annarra kerfa á jörðu niðri til þess að fylgjast með loftslagsbreytingum og ástandi lands, sjávar og lofts. Áætlunin styður við
sjálfbæra þróun ásamt því að auka almannaöryggi um alla Evrópu og á heimsvísu.
Vefsíða Copernicusáætlunarinnar
Ísland og Copernicusaráætlunin
FPCUP, eða Framework Partnership Agreement on Copernicus User Uptake, er verkefni sem er fjármagnað af Evrópusambandinu og miðar að því að auka notkun Copernicusargagna og -þjónusta hér á landi. Verkefninu er einnig ætlað að vekja athygli á samfélagslegum og efnahagslegum ávinningi sem hlýst af Copernicusaráætluninni.
CAMS NCP Ísland vinnur að því að bæta loftgæðamælingar og auka vitund á umhverfisáskorunum á Íslandi, til dæmis í tengslum við rykstorma og gosösku. Verkefnið samþættir CAMS gögn við staðbundnar mælingar til að veita innsýn í loftslag og heilsufarslegar áskoranir sem tengjast því.
CORINE er Copernicus verkefni sem kortleggur yfirborðsgerðir og landnotkun í Evrópu en þær upplýsingar nýtast vel við gerð umhverfisáætlana. Ísland leggur til innlend gögn til að fylgjast með breytingum; bæði náttúrulegum-og manngerðum. Þessi gögn eru nauðsynleg fyrir sjálfbæra umhverfisstjórnun.
Tækifæri
Sjáðu Ísland úr lofti! Sjáðu breytingar og uppgötvaðu ný sjónarhorn með gagnasöfnum Copernicusar áætlunarinnar.
Finndu mynd dagsins hér.
Kynntu þér þjónustur Copernicus sem tengjast Íslandi og uppgötvaðu hvernig gervihnattagögn hjálpa okkur að skilja og vernda umhverfið, náttúruna og plánetuna okkar. Byrjaðu Copernicusarferðalagið þitt í dag!
Helsta verkfæri Copernicusaráætlunarinnar eru Sentinel gervitungamyndir sem veita okkur rauntímagögn um flóð, þurrka, elda og eldgos. Gögnin gera viðbragðsaðilum kleift að bregðast hratt við og skipuleggja fyrirbyggjandi aðgerðir með því að afhenda nákvæmar og hagnýtar upplýsingar meðan á náttúruhamförum stendur.
Kynntu þér hvernig Copernicus er kynnt í gegnum FPCUP verkefnið. Það er virkt á Íslandi og um allan heim til að hjálpa notendum að byrja að nota gögn og þjónustu Copernicusaráætlunarinnar.
Mörg tækifæri eru í boði í gegnum Copernicus til að læra, þróast, fá stuðning og fjármögnun fyrir verkefni og hugmyndir.
CASSINI er verkefni Evrópusambandsins sem styður frumkvöðla, sprotafyrirtæki og lítil og meðalstór fyrirtæki í geimiðnaðinum, en gildistími verkefnisins er frá 2021til 2027. Verkefnið nær yfir öll svið geimáætlunar ESB og samanstendur af vaxtarsjóði uppá einn milljarð evra, hackathon viðburðum, verðlaunum, viðskiptahraðli og myndun tengsla.